Anime Kya Hai? Ek Beginner’s Guide | Anime With Arpit (Day 1)

Image by Alvin Niwan on https://www.vecteezy.com

 

Introduction

Aaj ke time me anime duniya bhar ke millions of logon ka favourite entertainment ban chuka hai.

Lekin agar aap naye ho, toh pehla sawal aata hai – Anime hota kya hai?

Is article me mai aapko simple language me bataunga:

* Anime ki definition

* Uski history

* Aur kyun anime sirf cartoon nahi balki ek global culture ban gaya hai.

Aaj kal aapne YouTube Shorts, Instagram Reels aur social media par “Anime” shabd bohot suna hoga. Lekin aksar log confuse ho jaate hain ki anime aur cartoon ek hi cheez hai kya? 🤔

Is article me hum simple words me samjhenge ki anime kya hota hai, iska origin kahan se hai, aur ye itna popular kyun hai or samay ke saath or bhi zyada popular kyo hota ja raha hai.

🎬 Anime Kya Hai?

Anime ek Japanese style Ki animation hai jo apni unique art style, deep storytelling aur emotional connection ke liye famous hai. Ye ek art form hai jo Japan me develop hua aur ab poori duniya me puri tarah se fail chuka hai.

* Ye TV shows, movies, OVA (original video animation) aur manga adaptations ke form me milta hai.

* Anime ka style colorful visuals, exaggerated expressions aur strong characters ke liye jaana jata hai.

👉 Sabse badi baat – anime har age group ke liye banta hai, bachchon se lekar adults tak har koi inhe dekhta or pasand karta hai, or kare bhi kyo na ye cheez hi aisi hai ki agar ise koi pehli baar dekh le toe fir isse alag reh hi nahi pata hai.

Cartoon aur anime dono animated hote hain, lekin difference ye hai ki anime ki stories zyada deep, emotional, heart touching aur mature hoti hain, jabki cartoons generally bacchon ke liye bante hain.

👉 Example:

* Cartoon: Tom & Jerry, Mickey Mouse, Courage The Cowardly Dog Show and so on….

* Anime: Naruto, One Piece, Attack on Titan, Dragon Ball Z, Bleach…….

Image by Dicki Hadiana on https://www.vecteezy.com

📖 Anime ka Origin (History)

Anime ki shuruaat Japan me hui thi 20th century ke aas-paas.

Sabse pehle popular anime movies me se ek thi Astro Boy (1963) jo Osamu Tezuka ne banayi thi.

1980s–90s ke baad anime ka craze puri duniya me failta chala gaya

* Dragon Ball Z

* Naruto

* One Piece

* Pokémon

Inn shows ne anime ko ek global phenomenon bana diya (Ek nayi pehchan di)

Aaj ke time me anime ek global industry hai jiska revenue billions of dollars mai hai.

Anime Aur Cartoon Me Kya Farq Hai?

Anime or cartoon mai bohot farq hai jaise:-

1. Storytelling – Anime ki kahani  serious/deep aur emotional hoti hai, jabki cartoons mostly funny hote hain.

2. Target Audience – Anime har age group ke liye banta hai (kids, teens, adults) iski koi seema nahi hoti hai, par cartoon mostly kids ke liye bante hai.

3. Art Style – Anime me characters bade or unique eyes, unique powers, detailed designs aur unique style ke hote hain or kabhi kabhi overpowered bhi.

4. Themes – Anime me dosti, sacrifice, motivation, philosophy tak cover hota hai, cartoons light-hearted hote hain.

To ye kuch points thai jo anime or cartoon ko alag banate hai.

Ab baat karte hai ki...

Anime Itna Popular Kyun Hai?

1. Deep Stories & Emotions – Naruto ki struggle or kabhi haar naa maanna, Luffy ka apne dream or dosto ke liye duniya ke sabse takatwar se takra jaana, Eren ki revenge – ye stories dil ko touch karti hain.

2. Unique Characters – Har anime me alag personality aur powers wale characters hote hain.

3. Life Lessons – “Never Give Up”, “Believe in Yourself”, “Power of Friendship” – ye sab lessons anime sikhaata hai.

4. Huge Variety – Har taste ke liye anime hai: action, romance, horror, comedy, sci-fi, slice of life.

Ab baat karte hai kuch famous Anime Examples, jaise ki

* Naruto & Naruto Shippuden – Ninja world aur hardwork ki kahani.

* One Piece – Pirates ki treasures ke liye adventurous journey.

* Attack on Titan – Humanity vs Titans ki survival story.

* Demon Slayer – Ek ladke ki Demon's se logo ko bachane ki kahani.

* Death Note – Ek notebook jisme naam likhne par koi bhi mara jaata hai.

India Me Anime Ka Craze

Pehle anime India me Hungama TV, Cartoon Network aur Animax par aata tha.

Ab fans ke paas Crunchyroll, Netflix, Amazon Prime, Ani-One Asia (YouTube) jaise options hain.

Social media ke wajah se anime community India me bahut fast grow kar rahi hai.

Conclusion

Anime sirf ek animation style nahi hai – ye ek art, culture aur emotional journey hai jo duniya bhar ke millions and billions logon ko connect karti hai. Agar aapne abhi tak anime dekhna start nahi kiya, to ye sahi time hai!

Image by Markus Spiske on https://unsplash.com

© 2025 Anime With Arpit. All Rights Reserved.

___________________________________

Stay tuned with Anime with Arpit – Day-2 mai hum baat karenge: “ Types of anime ke baare mein."